’’تعلیم میں نئی پہل‘‘

اردو یونیورسٹی میں ڈاکٹر وینو گوپال چاری کا آج یوم اساتذہ لکچر

حیدرآباد، 4؍ ستمبر (پریس نوٹ) مولانا آزاد نیشنل اُردو یونیورسٹی میں فاؤنڈیشن لکچر سیریز کے تحت 5؍ ستمبر 2014ء کو 11 بجے دن‘ ڈی ڈی ای آڈیٹوریم ‘ یونیورسٹی کیمپس میں یوم اساتذہ لکچر کا اہتمام کیا جارہا ہے۔ ڈاکٹر ایس وینو گوپالا چاری، دہلی میں نمائندہ خصوصی برائے ریاست



تلنگانہ و سابق مرکزی مملکتی وزیر برائے برقی و زراعت ’’تعلیم میں نئی پہل‘‘ کے موضوع پر لکچر دیں گی۔ پروفیسر محمد میاں ‘ وائس چانسلر ‘ اُردو یونیورسٹی صدارت کریں گے۔ ڈاکٹر خواجہ محمد شاہد، پرو وائس چانسلر خیر مقدم کریں گے اور مہمان کا تعارف پیش کریں گے۔ پروفیسر ایس ایم رحمت اللہ، رجسٹرار شکریہ ادا کریں گے۔ مدعوئین سے شرکت کی خواہش کی گئی ہے۔